يقدم لكم شبكة نداء العديد من الخدمات والتي قد يبحث عنها الكثير في الشبكة العنكبوتية لساعات طويلة وفي اخر المطاف يخرج صفر اليدين بدون اي نتائج لذلك نقدم لك متابعنا الكريم هذه الخدمات ومن ضمن هذه الخدمات الرضاعة الطبيعية للطفل.
#الرضاعة_الطبيعيه
الأمهات تجمع ضروري هقول كلمتين ف دقيقتين والماميز عايزهم ينشفو شوية كدا عشان خاطر العيال😡😡
من أهم فوايد الرضاعة الطبيعية
استني كدا بس الاول خليني اقولك متتحججيش الرضاعة الطبيعية مهمة للام جدا زي ماهيا مهمة للبيبي هقولك ليه،،
طبعا بما اني عايش ف المنوفية حاليا😁😁 فأول حاجة انها ببلاش خصوصا ف ظل الفترة الجميله اللي كل حاجة فيها رخيصة ومتوفرة دلوقتي
وكمان الرضاعة بتزود هرمون الاوكسيتوسين اللي بيقلل حدوث نزيف مابعد الولادة للام وكمان بيساعد ان الام ترجع للوزن الطبيعي قبل الحمل
خدي دي كمان بقى 😎😎
الرضاعة تعتبر مانع طبيعي للحمل لان هرمون الرضاعة اللي هو البرولاكتين بيقلل من هرمونات الاستروجين والبروجستيرون فبيقلل التبويض بالتبعية (بس والنبي متعتمديش عليه لوحده وتقولي دكتور احمد اللي قال كدا وتجيبي عيل ورا عيل 😂)
والاهم اللي بنعاني منه الفترة دي جدا انه بيقلل من خطورة أورام الثدي
طيب دا يادكتور بالنسبة للام ايه فايدته بقى بالنسبة للطفل
لبن الام فيه كل المكونات الغذائية اللي الطفل بيحتاجها تقريبا بنسب مظبوطة ربنا سبحانه وتعالى حاططها بموازين الا حجات بسيطة اووووووووي نقدر نزودها بسهوله معاه زي فيتامين دال
لبن الام فيه لاكتوز اللي بيزود حمضية المعدة والامعاء وبالتالي بيقلل من انتشار البكتريا
لبن الام ربنا حاطط فيه كالسيوم وفسفور بنسبة اتنين لواحد ودي النسبة النموذجية اللي من خلالها بيحصل امتصاص للكالسيوم
لبن الام كمان فيه كمية قليلة من الصوديوم بالقدر اللي يفيد الطفل بس ميضروش
البروتين الموجود ف لبن الام مكوناته سهلة الهضم جداااا
لا وفوق دا كمان بيحتوي على igA ودا بيقلل خطورة حدوث الحساسية للطفل
لبن الام كمان فيه مكونات كتير بتزود مناعة الطفل زي فيتامينات
A,c,e
ضيفي على دا بقى ياستي ان كون ابنك يكون ع صدرك وضاماه ليكي وقريب بيزود جدا الرابط العاطفي بينكم ودا بيدي امان وارتياح جدا للطفل وليكي انتي كمان متنكريش احنا بنتحامى ف حنية ولادنا والله 😍😍
وبعدين بزمتك هتلقي فين لبن معقم وضامناه اكتر من اللي ربنا بيخرجه منك لابنك مباشرة
حاسة ان اللبن قليل شوية ممكن نزوده بشرب ميه كتيييييير ولبن باكل حلاوة طحينية
ممكن ناخد كبسولات زي هيربانا
ممكن ناخد بريمبران لمدة عشر ايام
ايه دا يادكتور البريمبران بيزود اللبن ؟؟؟
اه والنعمه بيزود بس بنستخدمه لمدة عشر ايام كفايه
صدرك ملتهب،،في خراج،، الحلمة منكمشه كل دا وريه للدكتور ويعالجك وبعدها باذن الله تكملي رضاعه
مش حجة ابدا توقفي رضاعة طبيعية
خلي ابنك يستفيد وانتي كمان استفيدي
ولمزيد من المعلومات اترك تعليقك اسفل المقال.