نشكر الله من أجل هذه الفرصة الرائعة التي من خلالها نستطيع أن نمجد الله وأن نعلن عن هذا الإله العظيم كما قصد هو وتكلم عن نفسه في وحيه الإلهي بالكتاب المقدس. مصلين أن يرشدنا بنعمة روحه القدوس وأن يرافق كلماته لتأتي بثمر لمجده المبارك الذي له كل المجد والإكرام الى الأبد آمين.
* كان في ولد شاب كويس وإخواتة تلات بنات مش متجوزين، وكانوا يجوا الدير كل يوم جمعة وهو معاهم يخدموا في الدير عشان يوم الجمعة كنايس مصر القديمة كلها بتروح تزور الدير بعد القداسات، فالدير بيعملهم سندوتشات كل يوم جمعة بيبقي صيام فيعملولهم سندوتشات فلافل وفول ويوزعوا الراهبات فبيجي بعض الشابات يساعدوا الأمهات في حشي السندوتشات، لأن بيبقي عدد كبير قوي.
فهو الشاب دة كان بيساعدهم ويوزع للرجالة مع شوية شباب أخوات راهبات المهم هو كان مهندس ميكانيكي فقال يسافر دولة عربية عشان يحسن من وضعة وسافر فعلا وكسب قوي و إنحرف جدا جدااا فبقي أصدقاء السوء ماشين معاه والي آخرة
إخواتة سمعوا يكلموه ويبعتوله أن يسأل فيهم أو يرد عليهم مفيش، وهما أبوهم و أمهم ميتين المهم قعدوا يصلوا والراهبات يصلوا وطلبوا صلوات ابوسيفين.
فاهما القديسين ليهم نظرة وعارفين أن كل واحد بيجي بالطريقة اللي تنفع معاه والظاهر أن الشاب دة كان يعني خلاص رافض ربنا خالص فأبوسيفين جابه بشدة شوية.
فالمهم الشاب ده جية في يوم لقي نفسه إتشل بدون آي مقدماتفراحوا أصدقاء السوء حطوه في الطيارة، وكلموا إخواتة إستقبلوا أخوكم دا مشلول في الطيارة كذا
ورجع و راح الدير يوم الجمعة علي الكرسي المتحرك وكل الناس اللي كان يقدملهم الأكل شافوه وعيطوا عليه، و هو خد بركة أبوسيفين وروح.
بعد ماروح جاله أبوسيفين قاله: تتوب؟
قالة: أتوب، بس أنا عايز أخف.
قاله: ولو خفيت هتمشي في الخطية؟ ولا هتتوب؟
قالة: لااا خلاص هتوب.
قاله: طب قوم.
قاله: مش قادر
قالة: طب هات إيديكمسك إيدية وقام وقاله: روح الدير و إحكي عشان الشباب اللي زيك ميمشيش في الخطية تاني.
.جمعة راح الدير فيها مشلول علي الكرسي والجمعة اللي بعديها راح من شبرا ماشي علي رجلية لغاية مصر القديمة ووقف حكي معجزتة قدام كل الناس في الدير.
شفاعة القديس أبوسيفين تكون معنا آمين +++
