" معلومات هامة عن العام الدراسى الجديد طبقا للمقترح الذي طرحة وزير التربية والتعليم"
----- أولا المرحلة الثانوية -----
- أولى ثانوى هيستلموا التابلت فى شهر نوفمبر
- ٢ ثانوي سنة نقل عادية و ليست شهادة.
- ٣ ثانوي مفهاش ترم ، هوامتحان واحد على التابلت نهاية العام الدراسي.
- مفيش طباعة كتب لأولى ثانوي ، لكن الطالب هينزل المنهج على التابلت وبكده هيستخدم المنهج الإلكتروني على إنه كتاب تفاعلي.
- امتحانات ٣ ثانوي إلكترونية.. ماعدا الطلاب اللي رسبوا السنادي ومدخلوش الامتحان وأجلوا للسنة الجاية، والطلاب اللي ممتحنوش قبل كده تابلت.
- المرحلة الثانوية طبعا كلها أون لاين وبرضو حضورهم هيكون بمعدل يومين فى الاسبوع لكل فصل .
------- ثانيا المرحلة الاعدادية ---------
- الإعدادي هيروح تلاتة أيام فقط فى الاسبوع والباقي هيبقى تعليم أون لاين، على منصة الوزارة
-------- ثالثا المرحلة الابتدائية -------
- الطلاب من كي جي ١ وحتى ٣ ابتدائي، هيروحوا المدرسة كل يوم في العام الدراسي الجديد.
- من كي جي ١ إلى ٣ ابتدائي مش هينفع معاهم تعليم أون لاين، ولازم يكون فيه تواصل مباشر بين الطفل والمعلم، علشان مش هيتأسس غير بالطريقة دي.
- من ٤ ابتدائي إلى ٦ ابتدائي هيروحوا المدرسة ٤ أيام فقط فى الاسبوع ، بحيث يتم توزيع الفصل على اكثر من مجموعة لتقليل كثافة و تزاحم الاطفال.
* علماً بأن بداية الدراسة لجميع المراحل الأحد 18 أكتوبر
تبدأ امتحانات الترم الأول يوم السبت 23 يناير 2021
اجازة نصف العام تبدأ من 5 فبراير 2021
الفصل الدراسي الثاني يبدا يوم 20 فبراير 2021
امتحانات الترم الثاني فى 15 مايو 2021
امتحانات الدبلومات الفنية 29 مايو 2021
امتحانات الثانوية العامة يوم السبت 19 يونيو 2021.