علق الإعلامي عمرو أديب، على كشف حساب مرتبات بعض عناصر الإخوان العاملين في قناة مكملين الإخوانية، وقال: "الناس دي بتاخد فلوس كتير أوي، وأنا عندي سؤال واحد، هو مين اللي بيدفع ده، هو أنا لما أنزل الشارع عشان اعترض واحتج، مش لازم أعرف مين اللي منزلني؟ لو المخابرات التركية اللي عاوزة تنزلني قولولي متخبوش عليا، عشان احسبها الأول قبل ما أنزل والناس تحسبها كويس".
وأضاف عمرو أديب خلال برنامج الحكاية الذي يذاع على قناة mbc مصر: "يا محمد يا ناصر، أنت إزاي توافق تاخد 60 ألف وعبد الله الشريف ياخد 120 ألف، ده أنت اللي في وش المدفع واللي عليك العين، وبعدين ليه زوبع ياخد 45 ألف جنيه، ده مبيعملش حاجة، ده مالوش لازمة خالص ومالوش تأثير، متعرفونا يا جماعة الفلوس دي بتجبوها منين، وليه بتاخدوا فلوس قد كدة ومبيتدوش للغلابة الصغيرين اللي شغالين معاكوا غير بتاخد ملاليم".
وقال: "الفلوس اللي بتاخدوا دي مش هتفرق كتير، كدة كدة كل واحد فيكو هيموت زي الكلب برة".